Mga Tuntunin at Kondisyon ng My WU^SM

Mahalagang Impormasyon para sa Mga Kasali sa Programang My WU. Itong Kasunduan sa Programang My WU (“Kasunduan”) ay naglalaman ng mga tuntunin at kondisyong sumasaklaw sa Programang My WU (“Programa”). Ang mga salitang “Western Union,” “kami,” “namin,” at “amin” na ginagamit sa Kasunduang ito ay nangangahulugang Western Union International Limited, isang kumpanyang nakarehistro sa Ireland na may numerong 372428, na nakabase sa Richview Office Park, Unit 9, Clonskeagh, Dublin 14, Ireland. Nangangahulugan ang “ikaw,” “ka,” at “mo” na taong binigyan ng My WU Number alinsunod sa Kasunduang ito (“Number”).

1. Ito ang Kontrata mo sa amin. Dapat mong basahin ang Kasunduang ito at dapat kang magtabi nito para may kopya ka. Sa pamamagitan ng pag-enroll, paggamit sa Number, o sa pagsali sa Programa sa iba pang paraan, sumasang-ayon ka sa mga tuntunin ng Kasunduang ito. Kailangan ang Number mo para magsagawa ng anumang transaksyon sa Programa. Mananatiling pag-aari ng Western Union ang Number mo at dapat itong ibalik sa amin agad kapag hiniling namin kung sakaling may pang-aabuso, pagkansela sa Kasunduang ito, o pagwawakas ng Programa. Para mapakinabangan ang lahat ng bentahe nito, ikaw lang ang makakagamit sa Number mo. Napapailalim sa mga tuntunin ng Kasunduan ang paggamit dito. Personal at hindi puwedeng ibahagi ang Number na ito.
2. Paglalarawan sa Programa.
   Puwede kang mag-enroll sa Programang My WU nang hindi tumatanggap ng pinansyal na produkto o serbisyo mula sa Western Union o sa mga affiliate nito. Sa pamamagitan ng pag-enroll sa Programa, magkakaroon ka ng mga sumusunod na benepisyo:
   • Ginhawa: Sa pamamagitan ng Programa, puwede kang humiling ng pagkumpleto sa isang kuwalipikadong transaksyon sa Western Union® (“Kuwalipikadong Transaksyon”) sa mas maginhawang paraan. Sa pamamagitan ng Programa, awtomatikong magiging available ang impormasyon mo sa tuwing ipapakita mo ang Number mo kapag nagsasagawa ng isang Kuwalipikadong Transaksyon. Napapailalim ang mga Kuwalipikadong Transaksyon sa mga tuntunin at kondisyong partikular sa produkto o serbisyo, na puwedeng pana-panahong magbago. Para magamit ang Number at sumali sa Programa, dapat mong tugunan ang lahat ng kinakailangan alinsunod sa batas.
   • Mga Reward: Sa pamamagitan ng Programa, puwede kang makakuha ng points o iba pang reward o benepisyo (“Points”) para sa bawat Kuwalipikadong Transaksyong kukumpletuhin mo gamit ang iyong Number. Nasa mga materyal tungkol sa Programa ang isang paglalarawan ng mga Kuwalipikadong Transaksyon at Points na makukuha mo, kung mayroon man, para sa bawat Kuwalipikadong Transaksyon. Puwedeng mabago ang mga Kuwalipikadong Transaksyon at ang makukuhang Points sa sariling pagpapasya ng Western Union at nang walang abiso. Simula 09-18-2023, hindi ka na puwedeng kumita ng Points para sa bawat Kuwalipikadong Transaksyon. Puwedeng malaman ang kasalukuyang halaga ng Points na nasa Number mo kung hihilingin mo ito sa pamamagitan ng pagkontak sa Programang My WU ayon sa nakasaad sa ibaba sa ilalim ng Seksyon 10.
3. Pagsali sa Programa. Bukas ang Programa sa mga pribadong indibidwal edad 18 taong gulang pataas at may pangunahing tirahan sa isang valid na address sa bansa mo. Isang enrollment lang kada tao ang tatanggapin. Ayon sa sarili naming pagpapasya, puwede naming tanggihan ang pag-enroll mo kung hindi mo matutugunan ang aming mga pamantayan sa pag-enroll.
4. Pagkakaroon ng Points para sa Mga Transaksyon Kapag Wala ang Number Mo. Kung nagsagawa ka ng Kuwalipikadong Transaksyon bago ang petsang 09-18-2023 pero hindi mo ginamit ang Number mo, puwede ka pa ring magkaroon ng Points sa pamamagitan ng pagkontak sa amin sa numerong nasa Seksyon 10 sa ibaba. Karapatan naming hindi mag-isyu ng Points kung hindi namin mave-verify ang transaksyon.
5. Pag-redeem sa Points mo. Kapag nakaipon ka na ng Points na kailangan para sa mga available na reward, puwede mong i-redeem ang Points mo sa pamamagitan ng pag-log in sa www.wu.com/mywu o pagkontak sa amin sa numerong nasa Seksyon 10 sa ibaba. Makikita ang mga reward at ang kinakailangang Points para ma-redeem ang mga naturang reward sa pamamagitan ng pag-log in sa www.wu.com/mywu at puwedeng mabago ang mga ito sa sariling pagpapasya ng Western Union at nang walang abiso. Hindi negotiable at hindi puwedeng i-redeem bilang cash ang Points.
6. Mga Reward at Benepisyo. Paminsan-minsan, puwedeng ipa-verify sa iyo ng Western Union ang ilang partikular na impormasyon tungkol sa sarili mo (halimbawa, e-mail address o mobile phone number) bago ka makakuha, makatanggap, at/o makapag-redeem ng mga reward at benepisyo ng Programa. Ang lahat ng iniaalok na reward at benepisyo ay puwedeng mabago at napapailalim ang mga ito sa availability o pagkansela nang walang paunang abiso mula sa amin.
7. Mahahalagang Impormasyon Tungkol sa Points Mo. Nag-e-expire ang Points isang taon mula sa petsa ng Kuwalipikadong Transaksyon. Babawiin ang anumang nakuhang Points na nasa Number mo kapag ang Number mo o ang pagsali mo sa Programa ay nasuspinde, winakasan, kinansela, isinara, binawi, napag-alamang mapanloko, o nadeklarang walang bisa sa ilalim ng batas. Hindi maituturing na nakuha ang Points hangga’t hindi mo aktuwal na nare-redeem ang mga ito at wala itong halaga sa cash at wala itong interes at wala itong insurance sa pagkalugi. Hindi puwedeng bilhin, ibenta, pagsamahin, o ilipat sa anumang paraan ang Points. Ikaw lang ang may pananagutan sa pag-maintain ng Number at Points. Hindi papalitan ang mga reward kapag nawala o nanakaw ang mga ito, at hindi rin make-credit ulit ang Points na ginamit para i-redeem ang mga naturang Reward.
8. Mga Komunikasyon. Sa pamamagitan ng pagbibigay mo ng iyong numero ng telepono sa bahay, email address at/o mobile telephone number bilang bahagi ng proseso ng pag-enroll, hayagan mong pinapahintulutan ang Western Union na kontakin ka paminsan-minsan sa pamamagitan ng telepono, e-mail, o SMS/MMS messaging at targeted o personalized na messaging (hal. sa social media at iba pang digital channel) para sa mga balita, alok, serbisyo, promosyon, at iba pang komunikasyon tungkol sa Western Union at/o iba pang kumpanya kung saan may ugnayan ang Western Union. Nauunawaan mo at sumasang-ayon ka na ang anumang singil na ipapataw ng provider ng mga naturang serbisyo ay sarili mong pananagutan. Puwede mong bawiin ang pahintulot mo anumang oras sa pamamagitan ng pag-log in sa www.wu.com/mywu para pamahalaan ang mga kagustuhan mo o pagkontak sa amin ayon sa nakasaad sa Seksyon 10 sa ibaba.
9. Pahintulot na Magproseso, Magbahagi, at Mag-transfer ng Impormasyon sa Mga Third Party.
   • Sa pamamagitan ng pagsali sa Programa, sumasang-ayon ka na puwedeng gamitin ng Western Union ang personal na impormasyong ibibigay mo sa amin kapag ginagamit ang Programa at ang iba pa naming produkto at serbisyo, pati na ang iba pang impormasyong makokolekta o mabubuo sa ugnayan nating dalawa para sa mga layunin at paraang nakasaad sa seksyong ito. Kabilang dito ang impormasyon mula sa iba pang serbisyo gaya ng mga money transfer, pagbabayad ng bill, mga loyalty o membership program, history ng dating paggamit sa aming mga serbisyo, at mga opsyon sa marketing. Ginagamit ang impormasyong ito para maibigay sa iyo ang mga serbisyong hiniling mo at para sa mga aktibidad gaya ng pangangasiwa, serbisyo sa customer, paglaban sa money laundering, at iba pang kinakailangan sa batas o sa pagsunod, para i-validate ang mga detalye mo, para tulungan kaming maunawaan ang aming mga consumer sa pamamagitan ng pagsasagawa ng pagsusuri at pananaliksik sa impormasyong hawak namin, para tulungang maiwasan at ma-detect ang panloloko, utang, at pagnanakaw, para tulungan kaming mapaganda ang aming mga produkto, serbisyo, at operasyon, at, depende sa mga pipiliin mo, padalhan ka ng mga komunikasyon sa pamamagitan ng email, telepono, post, SMS at iba pang nauugnay na channel.
   • Magagawa rin ng Western Union na gumamit, mangolekta mula sa, at magbahagi sa, iba pang negosyo at service provider na katuwang namin, ng impormasyon mula sa iba pang produkto at serbisyo at mga convenience at/o rewards program na mayroon ka sa amin, kung saan ka nagrehistro. Puwedeng gamitin ang impormasyong ito para sa anuman sa mga layuning nasa seksyong ito. Hahawakan at pananatilihin namin ang impormasyong ibinibigay mo sa amin tungkol sa ibang tao, kabilang ang mga detalye ng receiver ng aming mga serbisyo para magawa ang transaksyon. Kung magbibigay ka sa amin ng impormasyon tungkol sa ibang tao, obligado kang abisuhan at hingian ng awtorisasyon ang taong iyon tungkol sa paggamit namin sa impormasyong ito alinsunod sa nakasaad sa seksyong ito. Ang pagbibigay ng impormasyon sa Western Union ay opsyonal na impormasyon, pero kailangan ito para maipatupad ang Programa at maibigay sa iyo ang mga serbisyong ito. Kung wala ito, hindi maibibigay ng Western Union ang Programa, hindi ito makakapagpatupad ng mga aktibidad para sa ginhawa o iba pang hiniling na serbisyo.
   • Puwede naming ibigay ang impormasyong hawak namin sa mga party at lokasyon sa labas ng bansa mo, kabilang ang mga bansa gaya ng USA, para sa mga layuning nakasaad sa pahayag na ito. Ang mga kategorya ng tina-transfer na data ay mga impormasyong nagbibigay ng personal na pagkakakilanlan, mga detalye sa pakikipag-ugnayan, at impormasyong may kaugnayan sa Programa, history ng transaksyon, at anumang iba pang Impormasyong ibinibigay mo. Puwede naming ibigay ang impormasyon sa iba pang organisasyon, kabilang ang mga tumutulong sa aming patakbuhin ang aming negosyo at ang Programang ito, kung may makatuwirang pangangailangang gawin ito, para maisakatuparan ang o makatulong sa Programa at serbisyong hiniling mo, para sa mga serbisyo sa hinaharap, o para sa alinman sa mga dahilan o paggamit na nakasaad sa seksyong ito. Puwede naming dagdagan ang impormasyong ibinibigay mo ng impormasyon mula sa iba pang negosyo o indibidwal, kabilang ang impormasyon para i-validate ang katumpakan ng impormasyong ibinibigay mo. Puwede ring magbigay ang Western Union ng impormasyon sa mga third party, kapag makatuwirang kinakailangan, para makatulong sa pag-iwas at pag-detect ng krimen, para usigin ang mga lumalabag, para sa pambansang seguridad, o iba pang legal na dahilan.
   • Ang impormasyong hawak namin ay puwedeng ma-access ng Western Union at ng aming mga affiliate, kabilang ang, pero hindi limitado sa, Western Union International Bank GmbH, Western Union Payment Services Ireland Limited, at Western Union Financial Services, Inc. at anumang awtorisadong third party na service provider para sa anumang dahilang nakasaad sa seksyong ito o para sa iba pang layuning sinang-ayunan mo. May karapatan kang humiling sa amin na tingnan ang impormasyon mo at humingi ng kopya nito, kung saan puwede kaming maningil ng maliit na halaga. Puwede mo ring itama, burahin, o limitahan ang paggamit namin sa kulang, mali, o lumang impormasyon. At puwede mong tutulan anumang oras para sa mga lehitimong dahilan ang paggamit sa impormasyon mo, kapag ang pagpoproseso ay hindi kailangan para kumpletuhin ang serbisyo, o kapag hindi ito hinihingi ng batas o regulasyon. Kung gusto mong gamitin ang mga karapatang ito o kung ayaw mo nang makatanggap ng mga komersyal na komunikasyon mula sa Western Union, pakikontak ang Western Union alinsunod sa nakasaad sa seksyon 10.
10. Pagkontak sa Western Union. Puwede mong kontakin ang Western Union: para umalis sa Programa, para mag-ulat ng nawala o nanakaw na Number, o para baguhin o itama ang personal mong kagustuhan o para humingi ng kopya ng data na mayroon ang Western Union tungkol sa pagsali mo sa Programa. Puwede mong kontakin ang Western Union sa pamamagitan ng pag-log in sa www.wu.com/mywu, email: privacy@westernunion.com (para baguhin o itama ang personal mong kagustuhan o para humiling ng kopya ng data na mayroon ang Western Union tungkol sa pagsali mo sa Programa) o sa pamamagitan ng pagtawag sa amin sa 1800-888-1200 (Toll Free sa mga linya ng PLDT)/ 1-800-9-888-1200 (Toll free sa mga linya ng Globe) (libreng tawag mula sa mga fixed at pampublikong telepono; itatakda ng sarili mong operator ang mga taripa para sa mga tawag sa mobile).
11. Kawalan ng aktibidad. Kung hindi mo gagamitin ang Number mo sa loob ng isang taon, puwede naming suspindihin ang pagsali mo sa Programa nang hindi ka inaabisuhan.
12. Pagtatalaga. Sa kabila ng anumang iba pang probisyon sa Kasunduang ito, hindi mo puwedeng italaga o i-transfer ang Kasunduang ito o ang Number mo o payagan ang iba na gamitin ang Number mo. Ikaw ang mananagot para sa anumang hindi awtorisadong paggamit ng Number mo maliban kung at hangga’t hindi mo iniuulat sa Western Union na nawala o nanakaw ito sa pamamagitan ng pagkontak sa amin sa ilalim ng Seksyon 10. Puwede naming italaga ang aming mga karapatan o ipasa ang aming mga tungkulin sa ilalim ng Kasunduang ito ayon sa sarili naming pagpapasya.
13. Nakakasakop na Batas. Ang Kasunduang ito at ang ugnayan sa pagitan ng mga Partido ay napapailalim sa, at dapat bigyang-kahulugan ayon sa, batas ng Ireland.
14. Paghihiwalay ng Mga Probisyon. Kapag invalid o walang bisa ang anumang probisyon sa kasunduang ito, hindi maaapektuhan ang natitirang bahagi ng Kasunduang ito.
15. Pag-amyenda. Paminsan-minsan, puwede naming amyendahan ang mga tuntunin ng Kasunduang ito sa pamamagitan ng pag-post nito sa aming website. Puwedeng makuha ang mga tuntunin ng Kasunduang ito anumang oras sa pamamagitan ng pag-log in sa www.wu.com/mywu o pagkontak sa Programang My WU alinsunod sa nakasaad sa Seksyon 10. Kung hindi mo tanggap ang anumang pagbabago sa Kasunduang ito, dapat mong (a) abisuhan ang Western Union nang pasulat sa loob ng 15 araw, na magiging batayan ng pagwawakas sa Kasunduang ito o (b) itigil ang paggamit sa My WU Number mo.
16. Pagkansela. Puwede naming kanselahin agad ang Programa, ang Kasunduang ito, o ang karapatan mong sumali sa Programa nang hindi ka inaabisuhan. Puwede mong kanselahin ang Kasunduang ito anumang oras sa pamamagitan ng pagsulat sa Western Union. Kung gagawin mo ito, magwawakas ang pagsali mo sa Programa sa loob ng tatlumpung (30) araw pagkatanggap namin ng nakasulat mong kahilingang magkansela. Ang pagkansela sa Kasunduang ito ay hindi makakaapekto sa mga obligasyon mo sa ilalim ng Kasunduang ito hangga’t ang mga naturang obligasyon ay puwedeng manatili sa kabila ng pagwawakas ng Kasunduang ito.

© 2013 Western Union Holdings, Inc. Nakalaan ang lahat ng karapatan.