သင့်ကိုယ်ရေးအကျဉ်း မှတ်ပုံတင်ခြင်းသည် အောက်ပါ စည်းမျဉ်းစည်းကမ်းများအပေါ် မူတည်ပါသည် (“စည်းမျဉ်းများ”)။ ဤစည်းမျဉ်းများအတွက် စာချုပ်ချုပ်ဆိုသော အဖွဲ့အစည်းမှာ WESTERN UNION JAPAN KK ဖြစ်ပါသည်။
ပရိုဖိုင် စာရင်းသွင်းမှု
ပရိုဖိုင် (“ ပရိုဖိုင်”) တစ်ခုကို စာရင်းသွင်ခြင်းသည် သင့်အား သင်၏ ကိုယ်ရေး အချက်အလက်များအပြင် သင်ငွေပို့ခြင်း သို့မဟုတ် ငွေလက်ခံခြင်း ပြုလုပ်သည့် လူများ၏ ကိုယ်ရေး အချက်အလက်များ အပါအဝင် သတင်းအချက်အလက်များကို သိမ်းဆည်းခွင့်ပြုပါမည်ဖြစ်ပြီး ထိုအချက်အလက်များကို Western Union (“ WU”) အုပ်စု ကုမ္ပဏီများနှင့် အသင်းအဖွဲ့များက WU ငွေလွှဲဝန်ဆောင်မှု (“ MT ဝန်ဆောင်မှု”) (အတူတကွဆိုပါက ” ဝန်ဆောင်မှုများ“) အပါအဝင် မကြာခဏ သင်အသုံးပြုနိုင်အောင် ပြုလုပ်ပေးသည့် ဝန်ဆောင်မှုများကို လွယ်ကူချောမွေ့စေရန် ဝင်ကြည့်နိုင်ပါသည်။ သံသယမရှိစေရန်အတွက် MT ဝန်ဆောင်မှုကို ဂျပန်နိုင်ငံတွင် Western Union Japan KK က ဆောင်ရွက်ပါသည်။
လော့ဂ်အင်ဝင်ခြင်းနှင့် စကားဝှက်။ ပရိုဖိုင် အဆုံးသတ်ခြင်းနှင့် ဆိုင်းငံ့ခြင်း
WU နှင့်အတူ သင်စာရင်းသွင်းသည့် အီးမေးလ်လိပ်စာသည် သင့်ပရိုဖိုင် ဝင်ရောက်မှု အသုံးပြုသူ မည်သူမည်ဝါဖြစ်ကြောင်း ခွဲခြားရွေးထုတ်မှု ဖြစ်ပါမည်။ သင်သည် ကိုယ်ရေးအကျဉ်းတစ်ခုထက်ပို၍ ဖန်တီးခွင့်မရှိပါ။ သင်၏လော့ဂ်အင်ဝင်ခြင်းနှင့် ရွေးချယ်ထားသော စကားဝှက်ကို ကာကွယ်သင့်ပြီး အခြားမည်သူ့ကိုမျှ ထုတ်ဖော်မပြောပြသင့်ပါ။ သင်၏သုံးစွဲသူအမည် သို့မဟုတ် စကားဝှက်ကိုပေးမိလျှင် အောက်ပါ ဆက်သွယ်ရန်ပုဂ္ဂိုလ်များမှတစ်ဆင့် WU သို့ ချက်ချင်း အသိပေးရပါမည်။ အောက်ပါ ဆက်သွယ်ရန်ပုဂ္ဂိုလ်များမှတစ်ဆင့် WU ထံ ဆက်သွယ်ပြီး သင့်ကိုယ်ရေးအကျဉ်းကို အချိန်မရွေး အခမဲ့ ရပ်စဲနိုင်ပါသည်။ WU ၏ ကျိုးကြောင်းဆီလျော်သော ထိန်းချုပ်မှုအောက်တွင်မရှိသည့် ဖြစ်စဉ်များ၊ နည်းပညာ ချိတ်ဆက်မှုဆိုင်ရာ ပြဿနာများ၊ ဤစည်းမျဉ်းများ သို့မဟုတ် MT ဝန်ဆောင်မှုအတွက် သက်ဆိုင်ရာ စည်းမျဉ်းစည်းကမ်းများ သို့မဟုတ် အခြားကိစ္စရပ်များကြောင့် ဖြစ်သည်ဖြစ်စေ၊ မဖြစ်စေ WU သည် သင့်ကိုယ်ရေးအကျဉ်းကို သို့မဟုတ် ဝန်ဆောင်မှုတစ်ခုချင်းစီသို့ ဝင်ရောက်သုံးစွဲမှုကို WU ၏ တစ်ဦးတည်း ဆုံးဖြတ်ပိုင်ခွင့်အပြည့်ဖြင့် အချိန်မရွေး ဆိုင်းငံ့နိုင်သည် သို့မဟုတ် ရပ်စဲနိုင်သည်။ မှားယွင်းသော သို့မဟုတ် ဟောင်းသွားသော အချက်အလက်များသည် ဝန်ဆောင်မှုများကို အသုံးပြုခြင်းမှ သင့်အား တားဆီးနိုင်သောကြောင့် သို့မဟုတ် နှောင့်နှေးစေခြင်းကြောင့် သင့်ကိုယ်ရေးအကျဉ်း အသေးစိတ် အချက်အလက်များ အချိန်နှင့်တပြေးညီဖြစ်နေစေရန်မှာ သင့်တာဝန် ဖြစ်ပါသည်။
သင့်ကိုယ်ရေးအကျဉ်းသို့ ဝင်ရောက်သုံးစွဲခွင့်နှင့် ဝန်ဆောင်မှုများကို အသုံးပြုမှု
က။ သင်သည် အောက်ပါတို့ကို သဘောတူပါသည်-
ကိုယ်ရေးလုံခြုံမှု
WU အနေဖြင့် အခြားအရာများအနက် သင့်အထောက်အထားကို စစ်ဆေးအတည်ပြုနိုင်စေရန်၊ သင့် ငွေကြေးအဖွဲ့အစည်းထံမှ ငွေပေးချေခြင်း ခွင့်ပြုချက်ကို ရရှိနိုင်ရန်နှင့် (MT ဝန်ဆောင်မှုကို အသုံးပြုပါက) ငွေလွှဲခြင်း ပြီးမြောက်အောင် ဆောင်ရွက်ပေးနိုင်စေရန်အလို့ငှာ သင်သည် WU ကို အချို့သော ကိုယ်ရေးအချက်အလက်များပေးရန် လိုအပ်မည်ဖြစ်သည်။ WU ၏ ကိုယ်ရေးလုံခြုံမှု ထုတ်ပြန်ချက် တွင် သင့်ကိုယ်ရေးအကျဉ်း မှတ်ပုံတင်ခြင်းနှင့်ဆက်စပ်၍ သင့်ကိုယ်ရေးအချက်အလက်များကို WU က မည်ကဲ့သို့ ရယူစုဆောင်း၊ အသုံးပြု၊ ထုတ်ဖော်ကြောင်း ဖော်ပြထားပါသည်။ အဆိုပါစည်းမျဉ်းများကို လက်ခံခြင်းအားဖြင့် သင်သည် ကိုယ်ရေးလုံခြုံမှု ထုတ်ပြန်ချက်ကို ဖတ်ရှုပြီးဖြစ်ကာ သဘောတူညီ၍ ကိုယ်ရေးလုံခြုံမှု ထုတ်ပြန်ချက်တွင် ဖော်ပြထားသည့် ရည်ရွယ်ချက်များအတွက် သင့်ကိုယ်ရေးအချက်အလက်ကို ကျွန်ုပ်တို့မှ ရယူစုဆောင်းကာ သုံးစွဲပြီး ထုတ်ဖော်ခြင်းကို သဘောတူခွင့်ပြုကြောင်း အသိအမှတ်ပြုရာရောက်ပါသည်
တာဝန်ယူမှုဆိုင်ရာ ကန့်သတ်ချက်
(i) ခွင့်ပြုမထားသော လွှဲပြောင်းမှုများ
သင်၏လော့ဂ်အင်ဝင်ခြင်းနှင့် စကားဝှက်မှာ လျှို့ဝှက်အချက်အလက်ဖြစ်ပြီး မည်သူနှင့်မျှ မမျှဝေပါနှင့်။ WU သည် သင့်အကောင့်နှင့် စကားဝှက်ကို အသုံးပြုသော်လည်း သင့်ခွင့်ပြုချက်မရှိသော လွှဲပြောင်းမှုများအတွက် ဥပဒေမှ ခွင့်ပြုထားသည့် အမြင့်ဆုံးအတိုင်းအတာအထိ တာဝန်ယူမည်မဟုတ်ပါ။ မည်သည့်အခြေအနေတွင်မဆို WU သည် သွယ်ဝိုက်သော၊ ထူးခြားသော၊ မတော်တဆဖြစ်သော၊ ဆက်စပ်ဖြစ်သော ထိခိုက်မှုများအတွက် တာဝန်မယူပါ။ အရှေ့တွင်ဖော်ပြခဲ့သော မသက်ဆိုင်ကြောင်း ရှင်းလင်းချက်သည် WU အနေဖြင့် ၎င်းကိုယ်တိုင်၏ မသိမှု သို့မဟုတ် ရည်ရွယ်ချက်ရှိရှိ မှားယွင်းဆောင်ရွက်မှုတို့ကြောင့် ဖြစ်ပေါ်လာသည့် ဆုံးရှုံးမှုများအတွက် ၎င်း၏တာဝန်ရှိခြင်းကိုမူ မကန့်သတ်ပါ။
(ii) ဝဘ်ဆိုက်နှင့် ဝန်ဆောင်မှုများကို “ရှိသည့်အတိုင်း” နှင့် “ရရှိနိုင်သည့်အတိုင်း” ဖြည့်ဆည်းပေးပါသည်။
ဝဘ်ဆိုက်နှင့် ပါဝင်သည့် အကြောင်းအရာများနှင့် ဝန်ဆောင်မှုများကို “ရှိသည့်အတိုင်း” နှင့် “ရရှိနိုင်သည့်အတိုင်း” အခြေခံ ဖြည့်ဆည်းပေးခြင်းဖြစ်ကြောင်း သင့်အနေဖြင့် နားလည်သဘောပေါက်ပြီး သဘောတူကာ သက်ဆိုင်ရာဥပဒေတွင် ဖော်ပြထားသည့် အတိုင်းအတာမှလွဲ၍ WU သည် သွယ်ဝိုက်ညွှန်းဆိုထားသည့် အာမခံချက်များ သို့မဟုတ် စည်းမျဉ်းများ၊ ရောင်းဝယ်နိုင်ခြင်းဆိုင်ရာ စည်းမျဉ်း သို့မဟုတ် အာမခံချက်၊ ပြင်ပအဖွဲ့အစည်းများ၏ အခွင့်အရေး ရပိုင်ခွင့် သို့မဟုတ် မချိုးဖောက်ခြင်းနှင့် ရည်ရွယ်ချက်တစ်ခုအတွက် သင့်လျော်ခြင်းဆိုင်ရာ စည်းမျဉ်း သို့မဟုတ် အာမခံချက်တစ်စုံတစ်ရာအပါအဝင် ထိုမျှမကသော ရောင်းဝယ်မှု သို့မဟုတ် ကုန်သွယ်မှုတွင် ရှိလာသည့် ပြဋ္ဌာန်းထားသော ဥပဒေ သို့မဟုတ် တနည်းအားဖြင့်ဆိုရသော် တရားဥပဒေအရ ဖော်ပြထားသော သို့မဟုတ် သွယ်ဝိုက်ညွှန်းဆိုထားသော၊ ၎င်းတို့အရ ပေါ်ပေါက်လာသော ကိုယ်စားပြုမှု သို့မဟုတ် အာမခံချက် သို့မဟုတ် စည်းမျဉ်းအမျိုးအစားတစ်စုံတစ်ရာ သို့မဟုတ် သဘောသဘာဝတစ်စုံတစ်ရာနှင့် မသက်ဆိုင်ကြောင်း ငြင်းဆိုအပ်ပါသည်။
ဤစည်းမျဉ်းများတွင် ပါရှိချက်များသည် သက်ဆိုင်ရာ ဥပဒေအရပြဋ္ဌာန်းထားသော သုံးစွဲသူကာကွယ်ရေးအချက်အလက်များအား ကျင့်သုံးမှုကို ချန်လှပ်ရန်၊ ကန့်သတ်ရန် သို့မဟုတ် ပြင်ဆင်မွမ်းမံရန် ရည်ရွယ်ခြင်းမရှိပါ။ ဥပဒေမှ ခွင့်ပြုထားသည့် အဆုံးစွန်အတိုင်းအတာအထိ WU သည် ဥပဒေအရ မချန်လှပ်နိုင်သော တည်ဆဲဥပဒေရှိ စားသုံးသူကာကွယ်ရေးဆိုင်ရာ စည်းမျဉ်း၊ အခြေအနေ၊ အာမခံချက်နှင့် အာမခံစာတစ်ခုခုကို မချိုးဖောက်ရန် တာဝန်ရှိပြီး ချိုးဖောက်မှုအတွက် ဝန်ဆောင်မှုများကို ပြန်လည်ပေးရန် သို့မဟုတ် ဝန်ဆောင်မှုများ ပြန်လည်ပေးရသည့် ကုန်ကျစရိတ်ကို ပေးဆောင်ရန် သို့မဟုတ် ကျွန်ုပ်တို့ ရောင်းချသည့် ကုန်ပစ္စည်းများနှင့်ပတ်သက်ပါက ကုန်ပစ္စည်းများကို ထပ်မံပေးဆောင်ပေးရန် သို့မဟုတ် ကုန်ပစ္စည်းများကို ထပ်မံပေးဆောင်သည့် ကုန်ကျစရိတ်ကို ကျခံရန် ရွေးချယ်နိုင်သည်။
ပြေစာနှင့် အသိပေးချက်ကို အီလက်ထရွန်နစ်နည်းဖြင့် ပေးပို့ခြင်း
သင်သည် MT ဝန်ဆောင်မှုဆိုင်ရာ လွှဲပြောင်းမှု ပြေစာများနှင့် သင်နှင့် WU ကြား အခြား ဆက်သွယ်ပြောဆိုမှု အားလုံးကို WU ဝဘ်ဆိုက် (“ ဝဘ်ဆိုက်”) တွင်၊ WU မိုဘိုင်းအက်ပ် (“ အက်ပ်”) တွင် သို့မဟုတ် ပရိုဖိုင် စာရင်းသွင်းချိန်အတွင်း သင်ပေးအပ်ထားသည့် သို့မဟုတ် ဝန်ဆောင်မှုများကို အသုံးပြု၍ သင်အပ်ဒိတ်လုပ်ထားသည့် အီးမေးလ်လိပ်စာတွင် သို့မဟုတ် ဖုန်းနံပါတ်သို့ SMS မှတစ်ဆင့် လက်ခံရန် သဘောတူပါသည်။ အကယ်၍ သင့်အီးမေးလ်လိပ်စာ သို့မဟုတ် မိုဘိုင်းဖုန်းနံပါတ်ပြောင်းလဲသွားပါက WU သို့ အက်ပ်မှလည်းကောင်း ဝဘ်ဆိုက်မှလည်းကောင်း အသိပေးရပါမည်။
တားမြစ်ထားသော လုပ်ဆောင်မှုများ
က။ သင့်အကောင့်ကို သုံးစွဲရာတွင် သို့မဟုတ် အခြားသုံးစွဲသူ သို့မဟုတ် ပြင်ပအဖွဲ့အစည်းနှင့် ဆက်ဆံရာတွင် သင့်အနေဖြင့် အောက်ပါအချက်များ မလုပ်ဆောင်ရပါ-
ခ။ အကယ်၍ သင့်အနေဖြင့် အထက်ဖော်ပြပါ တားမြစ်ချက်တစ်ခုခုကို ဆောင်ရွက်နေသည်ဟု ကျွန်ုပ်တို့က ကျိုးကြောင်းဆီလျော်စွာ သံသယရှိပါက ဖော်ပြပါ အရေးယူဆောင်ရွက်မှု(များ)ကို ပြုလုပ်နိုင်ပါသည်-
ဂ။ အကယ်၍ ကျွန်ုပ်တို့မှ သင့်အကောင့်အား ပိတ်သိမ်းမည်ဆိုလျှင် ပိတ်သိမ်းခြင်းနှင့် စပ်လျဉ်းသော အသိပေးချက်ကို သင့်ထံ ဖြစ်နိုင်သမျှ အစောဆုံးပေးပို့ပါမည်။
ဃ။ သင့်အကောင့်ကို ဆိုင်းငံ့သည့်အခါတွင် ဆိုင်းငံ့ခြင်းနှင့် စပ်လျဉ်း၍ ကျွန်ုပ်တို့မှ သင့်အား ကျိုးကြောင်းဆီလျော်စွာဖြစ်နိုင်သည့် မည်သည့်အချိန်တွင်မဆို အသိပေးမည်ဖြစ်ပြီး သင့်အနေဖြင့် သုံးစွဲခွင့် ပြန်လည်ရရှိရန် တောင်းဆိုမှု ပြုလုပ်ခွင့်ကို သင့်လျော်ပါက သင့်လျော်သည့်အချိန်တွင် ပေးမည်ဖြစ်သည်။ မည်သည့်သုံးစွဲခွင့်ပြန်လည်ရယူခြင်းမဆိုသည် WU ၏ တစ်ဦးတည်း အပြီးအပြတ်ဆုံးဖြတ်ခွင့်အာဏာပေါ်တွင် မူတည်ပြီး WU ၏ တည်ဆဲ မူဝါဒများနှင့် လုပ်ငန်းစဉ်များနှင့် သက်ဆိုင်ပါသည်။
ဉာဏ ပိုင်ဆိုင်မှု
WESTERN UNION အမည်များ၊ အမှတ်တံဆိပ်၊ ဝဘ်ဆိုက်၊ ဝန်ဆောင်မှုများနှင့် စပ်လျဉ်းသော အမည်နှင့် အမှတ်တံဆိပ်အားလုံးတို့သည် ကုမ္ပဏီ (သို့မဟုတ် သက်ဆိုင်သည့်အတိုင်း ၎င်း၏အဖွဲ့ဝင်များ၊ ပေးသွင်းသူများ၊ မိတ်ဖက်စီးပွားရေးလုပ်ငန်းများ သို့မဟုတ် လိုင်စင်ရသူများ) ၏ ကုန်ပစ္စည်းအမှတ်တံဆိပ် သို့မဟုတ် မှတ်ပုံတင်ထားသော ကုန်ပစ္စည်း အမှတ်တံဆိပ်များသာ ဖြစ်သည်။ ဝဘ်ဆိုက်၊ ဝန်ဆောင်မှုများ၊ ဝန်ဆောင်မှုများနှင့် ဆက်စပ်၍ သုံးစွဲထားသော နောက်ခံနည်းပညာများတွင် ဉာဏပစ္စည်းပိုင်ဆိုင်မှုနှင့် ပိုင်ဆိုင်သောအချက်အလက်များ ပါဝင်ကြောင်း သင့်အနေဖြင့် အသိအမှတ်ပြုသည်။ သင့်အနေဖြင့် သုံးစွဲခြင်း၊ ပြန်လည်ထုတ်လုပ်ခြင်း၊ ဖြန့်ဝေခြင်း၊ ပြုပြင်ခြင်း သို့မဟုတ် ဆင့်ပွားများဖန်တီးခြင်း၊ အများအတွက် ပြသခြင်း (ပါဝင်အကြောင်းအရာတစ်ခုခုကို ဘောင်ခတ်ခြင်းဖြင့် အပါအဝင်) သို့မဟုတ် ဝဘ်ဆိုက်၊ ဝန်ဆောင်မှုများ သို့မဟုတ် အရှေ့တွင် ဖော်ပြထားသည့် မှတ်ပုံတင်ထားသော၊ မှတ်ပုံမတင်ထားသော ကုန်ပစ္စည်းအမှတ်တံဆိပ်များ၊ ဉာဏပစ္စည်းပိုင်ဆိုင်မှုနှင့် ပိုင်ဆိုင်သော အချက်အလက်များကို လိုအပ်သလို ပါဝင်သည့်အကြောင်းအရာများအား ကြည့်ရှုရန်နှင့် သင့်ကိုယ်ပိုင်၊ စီးပွားဖြစ်မဟုတ်သော သုံးစွဲမှုအတွက် အဆိုပါ ပါဝင်သည့်အကြောင်းအရာများကို (ပြုပြင်ခြင်းမရှိဘဲ) အကျိုးအကြောင်းဆီလျော်သော အစုံရေပမာဏအတိုင်း မိတ္တူကူးယူခြင်းမှလွဲ၍ စီးပွားဖြစ် အမြတ်ထုတ်ခြင်း မပြုလုပ်ရ။ ထို့အပြင် အားလုံးသော စာရွက်ခေါင်းစီးများ၊ အထူးပြုလုပ်ထားသော ဂရပ်ဖစ်များ၊ ခလုတ်သင်္ကေတများနှင့် စာသားများသည် WU ၏ ဝန်ဆောင်မှု အမှတ်အသားများ နှင့်/သို့မဟုတ် ကုန်ပစ္စည်းအမှတ်တံဆိပ်များ ဖြစ်ကြသည်။ သင်သည် စာြဖင့်ရေးသားထားသည့် ကြိုတင်သဘောတူညီချက်မပါဘဲ ၎င်းတို့ကို အသုံးပြုခြင်း၊ ပြန်လည်ထုတ်လုပ်ခြင်း၊ ဖြန့်ဝေခြင်း၊ ပြုပြင်ခြင်း သို့မဟုတ် ဆင့်ပွားများဖန်တီးခြင်းတို့ မလုပ်ရပါ။
ဝဘ်ဆိုက်၊ ၎င်းတွင် ပါဝင်သည့်အကြောင်းအရာ၊ ဝန်ဆောင်မှုများ၊ ဝန်ဆောင်မှုများနှင့်စပ်လျဉ်း၍ သုံးစွဲထားသော နည်းပညာများနှင့် အထက်ဖော်ပြပါအနက် တစ်ခုခုမှ ဖန်တီးထားသော သို့မဟုတ် ဆင့်ပွားထားသော နည်းပညာအားလုံးနှင့် ပါဝင်အကြောင်းအရာတို့နှင့် စပ်လျဉ်းသည့် အားလုံးသော အခွင့်အရေး၊ အမည်နှင့် အကျိုးစီးပွားတို့သည် WU (သို့မဟုတ် သက်ဆိုင်သည့်အတိုင်း ၎င်း၏အဖွဲ့ဝင်များ၊ ပေးသွင်းသူများ၊ မိတ်ဖက်စီးပွားရေးလုပ်ငန်းများ သို့မဟုတ် လိုင်စင်ရသူများ) ၏ တစ်ဦးတည်းပိုင် ပိုင်ဆိုင်မှုဖြစ်သည်။
လင့်ခ်များ
WU သည် WU က ဆောင်ရွက်နေခြင်းမဟုတ်သည့် ဝန်ဆောင်မှုများ အပါအဝင် အခြားဝန်ဆောင်မှုများ သို့မဟုတ် ဝဘ်အခြေပြု ရင်းမြစ်များ၏လင့်ခ်များကို ဝဘ်ဆိုက်တွင် ဖော်ပြထားနိုင်သည်။ အဆိုပါလင့်ခ်များသည် သင့်အတွက် အဆင်ပြေစေရန် ပေးခြင်းဖြစ်ပြီး ပြင်ပအဖွဲ့အစည်းများမှ ဆောင်ရွက်သည့် ဝဘ်ဆိုက်များ သို့မဟုတ် ရင်းမြစ်များ ရရှိမှုအတွက် WU တွင် တာဝန်မရှိပါ။ WU သည် အဆိုပါဝဘ်ဆိုက်များ သို့မဟုတ် ရင်းမြစ်များ၌ ပါဝင်အကြောင်းအရာများနှင့်ပတ်သက်၍ ထောက်ခံခြင်း သို့မဟုတ် တာဝန်ယူခြင်း မရှိပါ။ ပြင်ပအဖွဲ့စည်း၏ ဝဘ်ဆိုက် သို့မဟုတ် ရင်းမြစ်တစ်စုံတစ်ရာကို သုံးစွဲကြည့်ရှုမှုသည် သင့်တာဝန်သာဖြစ်ပါသည်။
စွန့်လွှတ်ခြင်းမရှိ
ဤစည်းမျဉ်းများပါ အခွင့်အရေး သို့မဟုတ် ပြဋ္ဌာန်းချက်တစ်ခုခုကို ကျင့်သုံးရန် သို့မဟုတ် အာဏာတည်စေရန် ကျွန်ုပ်တို့၏ ပျက်ကွက်မှုသည် အဆိုပါ အခွင့်အရေး သို့မဟုတ် ပြဋ္ဌာန်းချက်ကို စွန့်လွှတ်ခြင်းမဟုတ်ပါ။
အထွေထွေ
ဤစည်းမျဉ်းများနှင့် ဤတွင်ပေါင်းစည်းပါဝင်ထားသော အခြားရည်ညွှန်းချက်များသည် သင်နှင့် WU တို့အကြားရှိ သဘောတူညီချက်နှင့် နားလည်မှုအလုံးစုံဖြစ်ပြီး ယခင်သဘောတူညီချက်များ သို့မဟုတ် WU နှင့် ရရှိခဲ့သော သဘောတူညီချက်များအားလုံးကို အစားထိုးသည်။ WU သည် သင်နှင့်ပြုလုပ်ထားသော ၎င်း၏သဘောတူညီချက်ကို လက်အောက်ခံ သို့မဟုတ် အဖွဲ့ဝင်ကုမ္ပဏီတစ်ခုသို့လည်းကောင်း၊ ပြင်ပအဖွဲ့အစည်းတစ်ခုသို့လည်းကောင်း သင့်သဘောဆန္ဒမပါဘဲ အချိန်မရွေး လွှဲပြောင်းပေးနိုင်သည်။ သင်သည် သင်နှင့် WU ၏ သဘောတူညီချက်ကို WU ၏ စာဖြင့်ရေးသားထားသော ကြိုတင်သဘောတူညီချက်မပါဘဲ သတ်မှတ်ခြင်း သို့မဟုတ် လွှဲပြောင်းခြင်း မလုပ်ရပါ။ အကယ်၍ ဤစည်းမျဉ်းများအနက် တစ်ခု သို့မဟုတ် တစ်ခုထက်ပိုသော အချက်များသည် အကြောင်းအရင်းတစ်ရပ်ရပ်ကြောင့် ပျက်ပြယ်ကြောင်း၊ တရားမဝင်ကြောင်း သို့မဟုတ် အာဏာမတည်စေနိုင်ကြောင်း ဖြစ်လာပါက ကျန်သောအချက်များသည် မှန်ကန်ပြီး အာဏာတည်စေလျက် ကျန်ရှိနေမည်။
ဤစည်းမျဉ်းများသည် ဝဘ်ဆိုက်စာမျက်နှာတွင် အသိပေးသည့်အတိုင်း အချိန်အလိုက် ပြောင်းလဲနိုင်ချေရှိပြီး အဆိုပါပြောင်းလဲမှုများ သက်ရောက်ပြီးသည့်နောက်တွင် ဝန်ဆောင်မှုများကို ဆက်လက်အသုံးပြုနေပါက ယင်းပြောင်းလဲမှုများကို လက်ခံရာရောက်မည်ဖြစ်သည်။
သက်ဆိုင်သော တည်ဆဲဥပဒေနှင့် တရားစီရင်မှု
ဤစည်းမျဉ်းများကို ဂျပန်နိုင်ငံဥပဒေများဖြင့် စည်းနှောင်ပြီး အနက်အဓိပ္ပာယ်ကောက်မည်ဖြစ်ကာ ပါဝင်သူများအနေဖြင့် ဂျပန်နိုင်ငံ တရားရုံးများ၏ သီးသန့်တရားစီရင်မှုကို နာခံရမည်။
သုံးစွဲသူ မေးခွန်းများ သို့မဟုတ် မှတ်ချက်များအတွက်၊ သုံးစွဲသူကူညီရေး ဖုန်း 0120-961-623 သို့ ဆက်သွယ်ပါ သို့မဟုတ် ကျွန်ုပ်တို့နှင့် ချတ်လုပ်ပါ။