Hindi pare-pareho ang anyo ng mga scam. Pero may pattern ito na puwede mong bantayan para maiwasan at mapigilan ito:

• Hihilingin sa iyo ng scammer na mag-send ng pera sa pamamagitan ng pagpapanggap na isa itong emergency. Kung hindi mo pa nakikita nang personal ang isang tao, pinakamaganda kung hindi ka magse-send ng money transfer sa kanya.
• Kung madaling hulaan o kung accessible ang mga password mo, puwedeng ma-hack ng mga scammer ang mga account mo. Gumamit ng malalakas na password at huwag itong i-share sa sinuman.
• Gumagamit ang mga scammer ng mga email, social media, text message, at tawag sa telepono para tawagin ang atensyon mo. Kadalasan, may mga maling grammar sa mga message nila at may mga maling spelling sa email address. Bago sumagot, mag-research muna.

Pagkatapos mong mag-file ng fraud claim, ire-review ng fraud department ang claim mo. Kung kailangan, kokontakin ka ng aming team para sa higit pang impormasyon. Depende sa transfer status, puwede naming i-refund ang transfer mo. Makakatanggap ka ng email mula sa amin na naglalaman ng status ng claim request mo.

Mahalagang tandaan na walang kakayahan ang Western Union na manghuli ng mga scammer. Nakikipagtulungan kami sa mga ahensyang nagpapatupad ng batas para makatulong sa imbestigasyon at pag-usig sa mga taong nananamantala sa aming mga serbisyo para makapanloko.

Kung sa tingin mo ay nakapag-transfer ka sa maling tao, tawagan agad ang aming Customer Care para kanselahin ito. Kung hindi pa nakukuha, naipapadala, o naidedeposito ang transfer mo, makakakuha ka ng kumpletong refund sa transfer.

Nagbibigay kami ng kaalaman sa mga tao tungkol sa panloloko gamit ang iba’t ibang channel sa pamamagitan ng pagbibigay ng mga tip at resource sa aming mga customer, at pag-invest sa teknolohiya para tulungan kaming makapagbigay ng mas mataas na proteksyon laban sa panloloko. Kapag may ini-report na panloloko, sinusuportahan namin ang mga ahensyang nagpapatupad ng batas sa pamamagitan ng pagbibigay ng lahat ng impormasyong kailangan nila para imbestigahan ang scam.

Paki-forward sa amin ang email nang walang binabago sa spoof@westernunion.com. Tandaan, hindi ito nangangahulugang nag-file ka na ng fraud claim. Para mag-report ng scam, dapat kang mag-file ng fraud claim online o tumawag sa aming fraud hotline.